Россия ташқи ишлар вазири Сергей Лавров мамлакат Қозоғистон ва Ўзбекистон уч томонлама газ иттифоқи лойиҳасини муҳокама қилишда олдинга силжигани, бу ҳар бир томон учун фойда эканини айтди. Бу ҳақда ъРИА Новости” хабар берди.
“Уч давлат – Россия, Ўзбекистон ва Қозоғистон, жумладан, президентлар даражасида энергия хавфсизлигини тўлиқ мустаҳкамлашга хизмат қиладиган ушбу кенг кўламли лойиҳани муҳокама қилишда фаол олға силжиди.
Бундан ҳаммага фойда бўлади, газ етказиб берувчилар бор экан, газга қизиқувчилар ҳам бор. Томонлар ҳам транзит, ҳам нарх шартлари бўйича келишиб олса, бундан қаноатланса, ҳамма ютади”, — деди Лавров Ўзбекистонга ташрифи якунлари бўйича матбуот анжуманида.
“Уч томонлама газ иттифоқи”
Россия президенти Владимир Путин ва Қозоғистон президенти Қосим-Жўмарт Тўқаев ноябрь охирида Кремлда бўлиб ўтган учрашувда Россия газини Қозоғистон ва Ўзбекистон ҳудуди орқали ташиш бўйича ҳаракатларни мувофиқлаштириш учун Ўзбекистон иштирокида “уч томонлама газ иттифоқи”ни яратиш масаласини муҳокама қилганди.
“ъУч томонлама иттифоқъ ғояси биринчи босқичда, эҳтимол, маълум бир юридик шахс билан мувофиқлаштириш механизмини яратиш имкониятини назарда тутади, аммо бундай масалалар ҳали ҳам муҳокама қилиниши керак, — деб тушунтирган Песков.
“Россия, Қозоғистон ва Ўзбекистон газ соҳасида, жумладан, газ етказиб бериш ва уни қайта ишлаш соҳасида ҳамкорлик қилиш учун катта салоҳиятга эга”, — деган Россия Бош вазири ўринбосари Александр Новак.
18 январь куни эса “Газпром” Қозоғистон билан 24 январь куни Ўзбекистон билан газ соҳасида ҳамкорлик бўйича йўл харитаси имзолаган.
Ўз навбатида, Ўзбекистон энергетика вазири Жўрабек Мирзамаҳмудов декабрь ойида Ўзбекистон қўшни давлатлардан газ ва электр энергиясини қандайдир алянс ёки иттифоқ орқали эмас, балки тижорат шартномалари асосида импорт қилиш ниятида эканини айтганди.
Изоҳ (0)