Ислом ҳамкорлик ташкилоти делегацияси “Толибон” расмийлари билан мулоқот қилиш учун Кобулга бориши кутилмоқда. Бу ҳақда “Дарё”нинг Афғонистондаги мухбири хабар берди.
Ислом ҳамкорлик ташкилотининг Афғонистондаги элчиси Муҳаммад Саид Ал-Аяш делегация “Толибон” расмийлари билан аёллар меҳнатини тиклаш юзасидан учрашмоқчилигини айтди. Элчи аёллар учун ислом доирасида иш таъминланиши кераклигини қўшимча қилди.
Таъкидланишича, ушбу делегация “Толибон” билан Афғонистон халқига ёрдам кўрсатиш, ривожланиш, иқтисодиёт, соғлиқни сақлаш ва таълим масаласини ҳам муҳокама қилади. Муҳаммад Саид Ал-Аяш Афғонистон Қизил ярим ой жамиятига ёрдам топшириш жараёнида бу ҳақда маълумот берган.
У Ислом давлатлари ва Ислом ҳамкорлик ташкилоти аёллар ишини "Толибон" билан доимий равишда муҳокама қилганини айтди.
“Бизнинг идорамиз ушбу фармонни (аёлларнинг ишлашига нисбатан тақиқ) қоралаб, аёллар учун меҳнат соҳасини ислом ва афғон маданиятига зид бўлмаган тарзда таъминлаш зарурлигини таъкидлади.
Эслатиб ўтамиз, Афғонистонда Ислом амирлиги қайта тикланиши билан аёлларнинг идораларда ишлаши тўхтатилиб, қизлар таълим олишдан маҳрум бўлган.
Изоҳ (0)