Қирғизистонлик фахрийлар, Иккинчи жаҳон уруши қатнашчиларига бир марталик ёрдам сифатида 100 минг сом (1100 доллар) тўланади. Бу ҳақда Қирғизистон Меҳнат ва аҳолини ижтимоий муҳофаза қилиш вазирлиги маълум қилди.
Тегишли фармон Қирғизистон раҳбари Садир Жапаров томонидан имзолаган. Ушбу акция фахрийларни моддий қўллаб-қувватлашга қаратилган бўлиб, Иккинчи жаҳон урушидаги ғалабанинг 78 йиллиги муносабати билан ўтказилмоқда.
Давлат томонидан қуйидаги тоифадаги шахсларга маблағ ажратилади:
- Иккинчи жаҳон уруши ногиронлари;
- Иккинчи жаҳон уруши қатнашчилари;
- Иккинчи жаҳон уруши даврида нацистлар ва уларнинг иттифоқчилари томонидан яратилган конслагерлар, геттолар ва бошқа қамоқхоналарнинг вояга етмаган асирлари орасида бўлган шахслар;
- 1941 йил 8 сентябрдан 1944 йил 27 январгача блокада пайтида Ленинград шаҳрининг корхоналари, муассасалари ва ташкилотларида ишлаган ҳамда “Ленинград мудофааси учун” медали, “Блокададаги Ленинград аҳолиси” белгиси билан тақдирланган шахслар.
Бир марталик моддий ёрдам банк ҳисоб рақамларига ўтказилади. Фахрийлар почта бўлимларида пулни олиши мумкин бўлади. Расмий маълумотларга кўра, 2023 йил 1 апрель ҳолатига кўра, республикада 68 нафар фахрий истиқомат қилади.
Изоҳ (0)