Бразилия президенти Лула да Сильва Украина урушни тугатиши учун Қрим яриморолини Россияга бериши кераклигини айтганди. Украина Ташқи ишлар вазирлиги мазкур таклифга муносабат билдирди.
Вазирликнинг матбуот котиби Олег Николенко мазкур таклифга жавобан Украина ҳудудини савдолашмаслигини қайд этди.
“Украина Бразилия президентининг Россия агрессиясини тўхтатиш учун ечим топишга қаратилган саъй-ҳаракатларини юқори баҳолайди. Шу билан бирга, шуни аниқ қайд этишимиз керак: Украина ўз ҳудудларида савдо қилмайди”, — дея у Киев позициясини билдирди.
Николенко “Украина ерининг камида бир сантиметри” учун имтиёзлар беришда ҳуқуқий, сиёсий ва маънавий сабаблар йўқлигига эътибор қаратди.
Украинанинг позицияси ўзгармади — тинчликни тиклаш бўйича ҳар қандай воситачилик ҳаракатлари БМТ низоми тамойилларига мувофиқ суверенитетни ҳурмат қилиш ва мамлакат ҳудудий яхлитлигини тўлиқ тиклашга асосланиши керак.
Эслатиб ўтамиз, Бразилия президенти Лула да Сильва журналистлар билан учрашувда Россия президенти Украинани эгаллаб ололмаслигини ва, эҳтимол, “Қримни муҳокама қилиш арзирли” эканини айтганди. У бу фикрни Хитой етакчиси Си Цзиньпин билан ҳам муҳокама қилмоқчилигини билдирган ва бу муваффақиятли эканига ишонч билдирган. Бразилия президенти Зеленскийнинг “истакларини бажариш” мумкин эмаслигини ҳам қўшимча қилган.
Изоҳ (1)
Tahlilda norasmiy bandlik qanday hisoblangan?
2022-yilda jami iqtisodiy faol aholi 14,98 million kishini tashkil qilgan. Undan jami 13,7 million kishi ish bilan band bo‘lib, ularning 6,5 million (47 foiz) qismi rasmiy sektorda.
Tahlilda esa 9 million kishi norasmiy band sifatida inobatga olingan.
Ikkisini qo'shganimizda jami iqtisodiy faol aholidan ham ortib ketmoqdaku?