2023 йил 05 апрелда Fitch Ratings халқаро рейтинг агентлиги “SQB Insurance суғурта компанияси” акциядорлик жамиятига суғурталовчининг молиявий барқарорлиги бўйича “BB-” даражадаги “Барқарор” прогнозли рейтинг берди. Ушбу рейтинг “SQB Insurance СК” АЖ мажбуриятларини ўз вақтида ва тўлиқ бажариш қобилиятига эга эканидан далолат беради.
Ўзбекистон суғурта бозоридаги энг фаол ва барқарор ўсиб бораётган компаниялардан бири бўлган “SQB Insurance СК” АЖ бугунги кунда юридик ва жисмоний шахсларга 60 дан ортиқ суғурта хизматларини тақдим этмоқда.
Компанияда шакллантирилган Устав капитали, суғурта заҳиралари ҳамда суғурта таваккалчиликларни, активларни самарали бошқариш тизими, қайта суғурталаш механизмлари компаниянинг молиявий барқарорлигини юксалишига хизмат қилмоқда.
2022 йил якунлари бўйича компания активлари 131,1 фоизга, Устав капитали 117,9 фоизга, инвестиция қўйилмалари 133,9 фоизга ошиб, 13,4 млрд сўм миқдорида соф фойда олишга эришилди. Компания капитал рентабеллиги (ROE) 31,9 фоизни ва активлари рентабеллиги (ROE) 9,2 фоизни ташкил қилди. Мазкур молиявий кўрсаткичлар суғурта бозоридаги ўртача молиявий кўрсаткичлардан юқори ҳисобланади.
“SQB Insurance СК” АЖ қайта суғурталаш борасида ҳам катта тажрибага эга бўлиб, маҳаллий ва халқаро суғурта ва қайта суғурта компаниялари, суғурта брокерлари билан ҳамкорлик алоқаларини ўрнатган. Бунинг натижасида 2022 йил бўйича кирувчи қайта суғурта мукофотлари ҳажми 127,8 фоизга ўсиб, 13,8 млрд сўмни ташкил қилди.
Компания миллий суғурта бозорида ўз ўрнига эга бўлиш ва истиқболда уни янада ривожлантириш мақсадида, IT-технологияларни қўллаган ҳолда масофавий суғурта хизматларини кўрсата бошлади. Бу эса мижозларга бир қатор енгиллик ва қулайликлар яратди. Кўрсатилаётган суғурта хизматларининг сифати, Компанияга миллий ва халқаро рейтинг даражасини оширишга хизмат қилди.
Fitch Ratings рейтинг агентлиги томонидан берилган “BB-” халқаро рейтинги компанияга бизнесни кенгайтириш, суғурта хизматлари экспортини ошириш, халқаро қайта суғурталаш бозорига кириш ҳамда янги мижозларни жалб қилишда янги имкониятларни очади.
Қуйидаги илова орқали рейтинг билан танишишишгиз мумкин: www.fitchratings.com
Реклама ҳуқуқи асосида.
Изоҳ (0)