Италия Кубоги. “Интер” “Ювентус”га қарши ўйинда сўнгги дақиқаларда урилган гол эвазига мағлубиятдан қутулиб қолди

Футбол бўйича Италия Кубогининг ярим финалида “Ювентус” ва “Интер” жамоалари 4 апрель, сешанба куни ўзаро тўқнаш келди.

Учрашувнинг биринчи бўлимида дарвозалар ишғол этилмади. Иккинчи бўлим ҳам тенгкурашлар остида кечди. Ўйиннинг 83-дақиқасига келиб, ҳисоб очилди. Туринликлар аъзоси Хуан Куадрадо учрашувдаги дастлабки гол муаллифига айланди. Бироқ “Интер” ўйин охирлаб қолганида, ҳисобни тенглаштиришга муваффақ бўлди. Ҳакам томонидан қўшиб берилган 5-дақиқада “нераззури” ҳужумчиси Ромелу Лукаку пенальтини аниқ амалга ошириб, мувозанатни тиклади. 

Қайд этиб ўтиш жоиз, ўйин якунида ҳар иккала жамоа футболчиларига ҳам қизил карточка кўрсатилди. Турин клубида Куадрадо қизил олган бўлса, миланликлар сафида Лукаку ва Самир Ҳандановичлар майдондан четлатилди. 

Шу тариқа ярим финалнинг дастлабки ўйинида дуранг натижа қайд этилди.

Италия Кубоги

1/2 финал баҳси

4 апрель, сешанба

“Ювентус” – “Интер” 1:1

Голлар: 1:0 – 83 Куадрадо, 1:1 – 90 Лукаку (пенальти).

“Ювентус”: Перин, Данило, Бремер, Гатти, Куадрадо, Костич, Ди Мария (Кьеза, 65), Рабьо, Локателли, Фажоли (Миретти, 65), Влаҳович (Милик, 74).

“Интер”: Ҳанданович, Дармиан, Д’амброзио (Думфрис, 81), Ачерби, Бастони, Димарко (Гозенс, 69), Мхитарян, Брозович (Аслани, 81), Барелла, Жеко (Лукаку, 69), Мартинес (Корреа, 86).

Огоҳлантиришлар: Брозович (41), Лукаку (80), Миретти (89), Куадрадо (90).

Четлатишлар: Лукаку (90), Куадрадо (90), Ҳанданович (90).