“Ўз ўрнини билсин”: Эрдўғон АҚШ элчиси учун эшиклари ёпиқлигини айтди

Туркия президенти Ражаб Тоййиб Эрдўғон АҚШнинг Анқарадаги элчиси билан кейинги учрашувлар бўлмаслигини айтди. Бу ҳақда Стар нашри хабар берди.

Эрдўғоннинг баёнотига америкалик дипломат Туркия президентлигига ягона мухолифат номзоди Камол Қиличдарўғли билан музокара ўтказгани сабабли шундай баёнот берган.

“Жо Байден элчиси Камол бей билан учрашади. Наҳотки сизга уят эмас, бошингиз билан ўйланг. Сиз элчисиз. Туркиядаги суҳбатдошинг президент бўлиши керак. Шундан кейин қандай юз билан президент билан учрашишни сўрайсиз? Бизнинг эшикларимиз у учун ёпиқ, энди унга кира олмайди Нега? Сабаби ўз ўрнини билсин”, — дея Эрдўғаннинг сўзларини келтиради Стар газетаси.

Туркия президентлигига “Олти мухолифатчи партияси”дан номзод Камол Қиличдорўғли Америка дипломатик миссияси раҳбари Жеффри Флейк ташаббуси билан учрашди.

Туркияда президентлик ва парламент сайловлари 14 майга белгиланган. Амалдаги президент Тоййиб Эрдўғоннинг асосий рақиби — “Халқ иттифоқи” партиясидан номзод Камол Қиличдорўғли. Сайловда “Ватан” партияси раиси Муҳаррам Инже ва “Отатуркчилар иттифоқи”дан номзод Синан Оган ҳам иштирок этмоқда.

Сайловолди тадқиқот натижалари ҳали бўлажак сайловда ютиши кутилаётган нозмодни аниқлагани йўқ, аммо экспертларнинг таъкидлашича, бу сайлов жараёни 50 мингдан ортиқ одамнинг ҳаётига зомин бўлган вайронкор зилзилалар туфайли ҳукмрон партия учун қийин кечади.