Сирож Бекчанов Хоразм вилояти ҳокимининг қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари лавозимига тайинланди.
Вилоят ҳокимлиги матбуот хизматининг маълум қилишича, тайинловга қадар у Хоразм вилояти ҳокимининг қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари котибияти мудири лавозимида фаолият юритган.
2020 йилнинг мартидан буён Хоразм вилояти ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари лавозимида Баҳром Қурбонов ишлаб келаётганди.
31 март куни Жўрабек Раҳимов Хоразм вилояти ҳокими лавозимига тасдиқланганди. 2022 йил декабрда Фарҳод Эрманов Хоразм вилояти ҳокими лавозимидан озод этилиб, Қорақалпоғистон Вазирлар Кенгаши раиси лавозимига тасдиқланганидан буён Раҳимов Хоразм вилояти ҳокими вазифасини бажариб келаётганди.
1 апрель куни Хоразм вилоятининг Урганч, Қўшкўпир, Боғот, Тупроққалъа туманларига янги ҳокимлар тайинланганди.
Изоҳ (0)