Хитой Фарғонада биочиқиндилардан энергия олиш бўйича лойиҳани амалга ошириши мумкин

Хитой компанияси Фарғонада когенерация ҳамда кичик ГЭСлар лойиҳаларига инвестиция киритишни режалаштирмоқда. Бу ҳақда вилоят ҳокимлиги ахборот хизмати хабар берди. 

Хабарга кўра, Хайрулло Бозоров, Хитойнинг Фенг Юан компанияси раҳбари Гойин Фу бошчилигидаги делегацияни қабул қилди. Учрашувда Хитой компанияси томонидан Фарғона вилояти ҳудудида замонавий когенерация тизимини (яъни, бир пайтда иссиқлик ва электр энергиясини ишлаб чиқаришни) жорий қилиш, мини-ГЭСлар қуриш, шунингдек биочиқиндилардан энергия олиш бўйича инвестицион лойиҳаларни амалга ошириш масаласи муҳокама қилинди.

Шунингдек, Хитой компанияси, Ўзбекистонда энергетика лойиҳаларини амалга оширишда лойиҳалаштиришдан фойдаланишга топширишга қадар бўлган жарайонни ўз ичига олган кластер ташкил этишни ҳам режалаштираётгани маълум қилинди.