Наманганда фуқаролардан қарз эвазига асоссиз фоиз талаб қилиб, уларнинг мулкларини ўзлаштирган эркак қўлга олинди 

Наманган вилоятида фуқаролардан қарз эвазига асоссиз фоиз талаб қилиб, уларнинг мулкларини ўзлаштириб келган эркак қўлга олинди. Бу ҳақда вилоят Ички ишлар бошқармаси ахборот хизмати хабар берди. 

Хабарга кўра, вилоят Ички ишлар бошқармаси томонидан фуқароларга берилган қарз эвазига асоссиз равишда фоиз талаб қилиб, уларга тегишли мулкларни товламачилик йўли билан ноқонуний равишда ўзлаштириб келган Убайдуллаев Жобирхон Хамидуллаевичга нисбатан жиноят иши қўзғатилиб, қамоққа олиш тарзида эҳтиёт чораси қўлланилди. 

Мазкур шахсдан жабрланган фуқаролар бошқарма томонидан тақдим этилган телефон рақамларига мурожаат қилиши сўралган. Бу ҳақда хабар берган фуқароларнинг шахси сир сақланиши қайд этилган.