“Халқлар дўстлиги” санъат саройида апрель ва май ойида машҳур хонандалар, қизиқчи ҳамда кулги жамоаларининг концерт дастури бўлиб ўтиши режалаштирилган. Қуйида кутилаётган концертлар ва уларнинг чипта нархлари ҳақида маълумот берилади.
Нодирбек Ҳайитов
Қизиқчи Нодирбек Ҳайитов 24 апрель куни концерт дастурини мухлисларига намойиш этади. Унинг концерт дастурига кириш чиптаси нархлари 30 минг сўмдан 350 минг сўмгача қилиб белгиланган. Олд қатордаги кўп жойлар сотиб бўлинган, бироқ ўрта, орқа ва балкон қисмидан сотиб олишнинг имкони бор.
“Беном” гуруҳи
“Беном” гуруҳи 28—30 апрель кунлари “Халқлар дўстлиги” санъат саройидаги концерт дастурини ўтказади. Концертга кириш чипталари ўринга қараб 25 мингдан 400 минггача қилиб белгиланган. Олд ва ўрта қатордаги жойлар деярли тугаган, орқа қатор ва балкон қисмларидаги жойларни бемалол сотиб олса бўлади.
“Миллион” кулги жамоаси
“Миллион” кулги жамоаси 1—10 май кунлари 10 йиллик юбилейига бағишланган концерт дастурини мухлисларига намойиш этади. Концерт чипта нархлари бошқа концерт дастурларига нисбатан баландроқ, яъни олд қатордаги жойларни 400 мингдан 500 минггача, ўрта қаторлардаги жойларни эса 250 мингдан 350 минггача, балкон қисмидаги жойларни эса 40 мингдан 50 минггача харид қилса бўлади. Ушбу концерт дастурига кириш учун исталган жойни банд қилиш мумкин.
Озода Нурсаидова
Хонанда Озода Нурсаидова 15—22 май кунлари “Ёмғирларда” номли жонли ижродаги концерт дастурини мухлисларига тақдим этади. Балкондаги чипталарни 30 минг сўмдан бошлаб харид қилиш мумкин. Ўрта қатор ва қанот қисмларидаги чипталарни эса 100 минг сўмдан 200 сўмгача сотиб олса бўлади. Хонанданинг концерт дастурига кириш чипталари ҳамма жой учун етарли. Олд қатордаги чипталар нархи 350 мингдан 400 минггача этиб белгиланган.
Ҳамдам Собиров
Хонанда Ҳамдам Собиров 23—25 май кунлари “Тентакчам” номли концерт дастурини мухлисларига тақдим этади. Концерт чипталари нархлари 30 мингдан 400 минггача қилиб белгиланган. Олд қатордаги жойларнинг чиптаси деярли сотиб бўлинган. Ўрта, орқа қатор, қанот ва балкон қисмлардаги жойлардаги чипталарни эса сотиб олиш мумкин. Хонанда концерт дастурини жонли ижрода мухлисларига тақдим этади.
Жалолиддин Аҳмадалиев
Жалолиддин Аҳмадалиевнинг “Биз ҳам бир яшасак майлими” деб номланган концерт дастури 29—31 май кунлари бўлиб ўтади. Концерт дастури чипталарини жойга қараб 30 мингдан 350 минггача сотиб олиш мумкин. Жалолиддин Аҳмадалиев ҳам концерт дастурини жонли ижрода тақдим этади.
Дилмурод Султонов
Хонанда Дилмурод Султонов 6—8 июнь кунлари жонли ижродаги концерт дастурини тақдим этади. Балкон қисмидаги жойларни 25 минг сўмдан 30 минггача харид қилиш мумкин. Орқа қисмлардаги жойларнинг нархи эса 50 мингдан 120 минггача қилиб белгиланган. Олд қатордаги жойларни 250 мингдан 300 минггача харид қилса бўлади. Концерт дастурига кириш учун исталган жойдаги билетларни харид қилиш мумкин, чунки барча жойлардаги билет топилади.
Изоҳ (0)