Халқ депутатлари Урганч тумани кенгашининг 1 апрель кунги сессиясида иккита туманга ҳоким тайинланди. Бу ҳақда Хоразм вилояти ҳокимлиги ахборот хизмати хабар берди.
Қайд этилишича, туман ҳокими лавозимида ишлаб келаётган Фрунзе Шарипов эгаллаб турган лавозимидан озод қилингани муносабати билан Урганч тумани ҳокими лавозимига Ғайрат Султонов номзоди тавсия этилди.
Ушбу таклиф туман кенгаши депутатлари томонидан маъқулланди. Янги лавозимга тасдиқлангунга қадар Ғайрат Султонов Бош прокуратура ҳузуридаги Иқтисодий жиноятларга қарши курашиш департаментининг Қорақалпоғистон бошқармаси бошлиғи лавозимида ишлаб келаётганди.
Шунингдек, сессия давомида Бобур Эгамов Хоразм вилояти Қўшкўпир тумани ҳокими лавозимига тайинланди. Бунга қадар Иқтисодиёт ва молия вазирлиги ҳузуридаги “Лойиҳалар ва импорт контрактларини комплекс экспертиза қилиш маркази” ДУК директори ўринбосари лавозимида фаолият юритган.
Бундан ташқари, Шавкат Яхшибоев эгаллаб турган лавозимидан озод қилингани муносабати билан Боғот тумани ҳокими лавозимига Жаҳонгир Назаров номзоди тавсия этилди. Музокаралардан кейин депутатлар номзодни бир овоздан маъқуллади. Янги лавозимга тасдиқлангунга қадар Жаҳонгир Назаров Давлат активларини бошқариш агентлиги Хоразм вилояти ҳудудий бошқармаси бошлиғи лавозимида ишлаб келаётганди.
Сессия якунида вилоят ҳокими Жўрабек Раҳимов сўзга чиқиб, туманларни ижтимоий-иқтисодий ривожлантириш бўйича ишлаб чиқилган йўл харитаси ижроси бўйича туман фаоллари олдида турган вазифалар хусусида тўхталди.
Изоҳ (1)
Тупроккалъа тумани хокими хам алмашдику