Маурисио Почеттино “Реал”да Карло Анчелоттининг ўрнини эгаллаши мумкин. Флорентино Перес аргентиналик мутахассисга ишонч билдирмоқчи

“Реал” президенти Флорентино Перес жамоанинг янги мураббийи Маурисио Почеттино бўлишини истамоқда.

“ПСЖ” ва “Тоттенҳэм” собиқ бош мураббийи ёзда Бразилия терма жамоасини бошқариши мумкин бўлган Карло Анчелоттига ўринбосар сифатида кўрилмоқда.

Переснинг шахсан ўзи Почеттинони муносиб номзод сифатида кўрмоқда. “Мадрид”нинг бошқа вакиллари эса ҳозирда “Кастиля”да фаолият олиб бораётган Раулни бош мураббий сифатида олиб келиш керак деб ҳисоблайди. 

Сўнгги қарор Перес томонидан қабул қилиниши ҳисобга олинса, аргентиналик мутахассиснинг Испанияга келиш эҳтимоли катта.

Маурисио Почеттино бир неча кун аввал “Тоттенҳэм”нинг таклифига рад жавобини берди. Шунингдек, мураббийга “Аякс”, “Челси” ҳамда Бразилия терма жамоалари қизиқиш билдирган. Мутахассиснинг ўзи ҳам “қаймоқранглилар”ни бошқаришга қарши эмас.