АПЛ. “Манчестер Сити” 5 та гол урилган ўйинда “Ливерпуль”ни йирик ҳисобда таслим этди

Футбол бўйича Англия Премьер Лигасининг 29-турида “Манчестер Сити” 1 апрель, шанба куни “Ливерпуль”га қарши баҳс олиб борди.

Учрашувнинг 17-дақиқасида Муҳаммад Салоҳ ҳисобни очди. 27-дақиқада эса Хулиан Альварес мувозанатни тиклади. 

Иккинчи бўлим бошида Кевин де Брюйне “шаҳарликлар”ни ҳисобда олдинга олиб чиқди. Орадан 7 дақиқа ўтиб, Илкай Гундўған ҳисобни ишончли кўринишга олиб келди. 74-дақиқада эса Жек Грилиш манчестерликларнинг навбатдаги голи муаллифига айланди. Қолган дақиқаларда дарвозалар ишғол этилмади ва “Манчестер Сити” ғалабани расмийлаштирди. 

Ушбу ғалабадан сўнг Пеп Гвардиола шогирдлари очколари сонини 64 тага етказиб, 2-ўринни банд этиб турибди. “Ливерпуль” эса 42 очко билан 6-поғонадан жой олган. 

АПЛ

29-тур баҳси

1 апрель, шанба

“Манчестер Сити” – “Ливерпуль” 4:1

Голлар: 0:1 – 17 Салоҳ, 1:1 – 27 Альварес, 2:1 – 46 де Брюйне, 3:1 – 53 Гундўған, 4:1 – 74 Грилиш.

“Манчестер Сити”: Эдерсон, Аке, Рубен Диаш, Аканжи, Стоунз, Гундўған, де Брюйне, Грилиш (Палмер, 89), Родри (Бернарду Сильва, 83), Марез, Альварес.

“Ливерпуль”: Алиссон, Александер-Арнолд, ван Дейк, Konaте, Робертсон (Симикас, 70), Ҳендерсон, Фабиньо, Эллиотт (Окслейд-Чемберлен, 70), Салоҳ (Нуньес, 70), Диогу Жота (Фирмино, 70), Гакпо (Милнер, 82).

Огоҳлантиришлар: Салоҳ (19), Родри (33).