Хоразмдаги пахта заводида ёнғин содир бўлди
Хоразм вилояти Хива туманидаги пахта заводда 30 март куни ёнғин содир бўлди. ФВВ ахборот хизмати ҳолат юзасидан муносабат билдирди.
Маълум бўлишича, шу куни 17:07 да “Сапча” маҳалласидаги пахта қабул қилиш ва пахтани қайта ишлаш заводи ҳудудидаги 11 та пахта ғарамининг устки қисмида ёнғин содир бўлгани тўғрисида туман ФВБга хабар тушган.
Ҳодиса содир бўлган жойга 14 та ёнғин-қатқарув экипажи, 12 та ёрдамчи сув ташиш автомашинаси жалб қилинган. Ёнғин 18:03 да ўраб олиниб, 19:20 да ўчирилган. Воқеа жойига вилоят ҳокими ўринбосари, вилоят ФВБ бошлиғи ва масъул ходимлар чиққан.
Ёнғин оқибатида 11 та пахта ғарамининг юза қисмида тахминан 2500 килограмм пахта ёнган ва ёнғиндан 2 та пахта ғарами сақлаб қолинган. Воқеа жойида вилоят ҳокимининг ўринбосари бошчилигида ёнғин ўчириш штаби ташкил этилган. Ёнғин сабаби ва зарари аниқланмоқда.
