Тошкентда навбатдаги халқаро инвестиция форуми бўлиб ўтади

Жорий йилнинг 27-28 апрель кунлари пойтахтда иккинчи Тошкент халқаро инвестиция форуми (TIIF-2023) бўлиб ўтади. Бу ҳақда Инвестициялар, саноат ва савдо вазирлиги хабар берди.

Маълум қилинишича, дастлабки форумда дунёнинг 56 мамлакатидан икки мингдан ортиқ иштирокчилар — йирик инвесторлар ва юқори мартабали меҳмонлар қатнашган.

Навбатдаги тадбир қатнашчиларининг сони янада ошиши кутилмоқда. Форум давомида Ўзбекистон ва Марказий Осиёнинг инвестициявий салоҳиятини атрофлича очиб беришга қаратилган ялпи мажлис, экспертларнинг 30 дан ортиқ баҳс-мунозаралари, панел мулоқотлари, давра суҳбатлари ва B2B музокаралари ўтказилиши режалаштирилган.

Тадбирда иштирок этиш учун www.iift.uz сайтида 2023 йил 20 апрелгача онлайн рўйхатдан ўтиш мумкин.