Қашқадарё вилоятининг Шаҳрисабз шаҳрида вилоятдаги мактаб директорларининг воҳа аҳли ва ота-оналарга мурожаати ўқиб эшиттирилди. Бу ҳақда “Дарё”га вилоят ҳокимлиги ахборот хизмати раҳбари Аҳрор Содиқов хабар берди.
.jpg)
Маълум қилинишича, мурожаатномада ютуқлар билан бир қаторда йўл қўйилаётган камчиликларга ҳам алоҳида урғу берилган.
“Вилоятимиздаги 253 та мактаб таъмирталаб, 81 таси лой-пахсали, деярли барча мактаблардаги парта ва доскалар абгор ҳолатда эди. Бугун эса ҳақиқатан ҳам биз муаллимлар дала ишларидан, кўча тозалашдан, ортиқча қоғозбозликдан озод бўлдик. Топталган қадримиз, экилган қаддимиз муҳтарам юртбошимизнинг биз зиёлиларга бўлган меҳри сабаб яна қайта тикланди. Ойликларимиз ошиб, моддий фаровонлигимиз яхшиланди.
Президентимизнинг ‘Ўқитувчилар учун ҳамма имкониятларни яратиб беряпман, лекин ўқитувчи ҳам ҳаракат қилиши, таълим мазмунининг сифатини янада ошириши керак. Ўқитувчи — катта куч. Мен муаллимга ишонаман, мен муаллимга суянаман’, деган сўзлари биз ўқитувчиларга яна-да куч ва ғайрат бағишлади”, — дейилади мактаб директорлари мурожаатномасида.
Аҳрор Содиқовнинг қўшимча қилишича, мазкур тадбирда мактабгача ва мактаб таълими вазири ўринбосари Дилшод Кенжаев, вилоят ҳокими Муротжон Азимов ва Шаҳрисабз шаҳар ҳокими Акром Сулаймоновлар иштирок этиб, таълим фидойиларига вилоят ҳокимининг фахрий ёрлиғи топширилган.
“Қарши туманидаги 71-сонли мактабда муҳтарам президентимиз билан бўлиб ўтган самимий суҳбатдан келиб чиқиб, Қашқадарё зиёлилари таълим сифатини яхшилаш бўйича олдимизга қатор вазифаларни белгилаб олиш мақсадида мурожаат қилишни лозим деб топдик. Зеро ўқитувчи ва ота-она масъулияти бирдек ошса, ёшлар таълим-тарбияси ҳам юксак даражада бўлади”, — дейди вилоятлик директорлар.
Изоҳ (1)
uyat