Сурхондарёда маҳалла раиси фуқарони уриб, кўз шоҳпардасини ёриб юборди (видео) 

Сурхондарё вилояти Шўрчи туманида маҳалла раиси фуқаронинг кўзини уриб, ёриб юборди. Вилоят Ички ишлар бошқармаси ҳолат юзасидан маълумот берди. 

Хабарга кўра, 28 март куни 18:00 ларда Шўрчи тумани “Бахштепа” маҳалласи ҳудудида маҳалла раиси ва фуқаро ўртасида ўзаро келишмовчилик оқибатида жанжал келиб чиққан. Жанжал вақтида маҳалла раиси фуқаронинг кўз қисмига уриб, тан жароҳати етказган. 

Ушбу ҳолат юзасидан Шўрчи туман ИИБ томонидан фуқаронинг олган тан жароҳатининг оғирлик даражасини аниқлаш мақсадида, судга оид тиббиёт экспертизаси тайинланган ва туман ИИБ томонидан терговга қадар текширув ҳаракатлари олиб борилмоқда. Мазкур ҳолат юзасидан терговга қадар текширув ҳаракатлари Сурхондарё вилояти ИИБ томонидан назоратга олинган.

Жабрланувчи мурожаат қилган шифокорнинг маълум қилишича, ҳозирда унинг ҳолати яхши. 

“Бемор бизга шикоят қилиб келди. Келганида кўзидан ёш ва қон оқаётганди. Кўзининг шоҳпардаси ёрилган ва ички қисмлари чиққан эди. Зудлик билан бирламчи хирургик ишлов берилди. Беморнинг бугунги аҳволи яхши”, — дейди шифокор.

Маҳалла раиси эса бўлган воқеани айтиб, қилган ишидан пушаймонлигини билдирди. 

“Бемор бизга шикоят қилиб келди. Келганида кўзидан ёш ва қон оқаётганди. Кўзининг шоҳпардаси ёрилган ва ички қисмлари чиққан эди. Зудлик билан бирламчи хирургик ишлов берилди. Беморнинг бугунги аҳволи яхши”, — дейди шифокор.