Суперлига. “Нефтчи” “ОКМК” билан дуранг ўйнади, “Сурхон” “Бухоро” устидан ишончли ғалабага эришди 

Футбол бўйича Ўзбекистон чемпионатининг 4-туридан ўрин олган икки ўйин 31 март, жума куни бўлиб ўтди.

“Нефтчи” ўз майдонида “ОКМК”ни қабул қилди. Учрашувнинг 15-дақиқасида меҳмонлар футболчиси Мартин Боаке ҳисобни очди. 31-дақиқада Олексий Ларин мувозанатни тиклади. Биринчи бўлим сўнгида Хуршид Ғиёсов олмалиқликларни ҳисобда олдинга олиб чиқди.

Иккинчи бўлимда эса фарғоналиклар ҳисобни тенглаштирди. 66-дақиқада Нурилло Тўхтасинов ўз ҳисобига гол ёздириб қўйди. Қолган дақиқаларда дарвозалар ишғол этилмади ва ўйин дуранг натижа билан якунланди.

“Нефтчи” очколари сонини 10 тага етказиб, мусобақа пешқадамига айланди. “ОКМК” эса 7 очко билан 3-поғонани банд этган.

“Бухоро” сафарда “Сурхон” майдонида меҳмон бўлди. Ўйиннинг 50-дақиқасида Сильванус Нимели гол урди. 74-дақиқада “Бухоро” аъзоси Рўзимбой Аҳмедов қизил карточка олиб, майдонни тарк этди. 77-дақиқада эса “Сурхон” футболчиси Тамирлан Жамалутдинов ҳам қизил карточка олди. Ўйин сўнгида Ҳумоюн Шербўтаев ҳисобни ишончли кўринишга олиб келди. 

Сурхонликлар ушбу ғалабадан сўнг 7 очко билан 4-ўринга кўтарилиб олди. “Бухоро” 3 очко билан 9-ўриндан жой олган. 

Суперлига

4-тур баҳслари

31 март, жума

“Нефтчи” — “ОКМК” 2:2

Голлар: 0:1 — 15 Мартин Боаке, 1:1 — 31 Олексий Ларин, 1:2 — 40 Хуршид Ғиёсов, 2:2 — 66 Нурилло Тўхтасинов.

“Нефтчи”: 45. Акбар Тўраев, 7. Умар Адҳамзода (70. Аббосжон Ғуломов 63), 8. Нурилло Тўхтасинов, 9. Улуғбек Ҳошимов (11. Иззатилла Абдуллаев, 63), 19. Мирзоҳид Ғофуров, 20. Анваржон Ғофуров (2. Зоир Жўрабоев, 46), 21. Муҳсинжон Убайдуллаев, 22. Тома Табатадзе (35. Муродбек Бобожонов 84), 23. Диёржон Туропов (28. Фозил Мусаев, 87), 24. Ғулом Ҳайдар Ғуломов, 26. Олексей Ларин.

“ОКМК”: 25. Валижон Раҳимов, 2. Акром Комилов, 3. Сардор Раҳмонов, 5. Анзур Исмоилов, 7. Дилшод Аҳмадалиев, 8. Абдулла Абдуллаев, 10. Хуршид Ғиёсов, 17. Санжар Турсунов (9. Рубен Санчес, 78), 22. Шоҳрух Гадоев (11. Иракли Руҳадзе, 84), 27. Мартин Боаке (14. Миржаҳон Мираҳмадов, 84), 88. Сиаваш Ҳақназарий (15. Ойбек Рустамов, 78).

Огоҳлантиришлар: М.Убайдуллаев (47), Т.Табатадзе (59), Д.Тропов (73), О.Рустамов (90).

“Сурхон” — “Бухоро” 2:0

Голлар: 1:0 — 50 Сильванус Нимели, 2:0 — 89 Ҳумоюн Шербўтаев.

“Сурхон”: 1. Артём Потапов, 2. Бобиржон Асқаров, 3. Суннатуллоҳ Ҳамиджонов, 7. Достонбек Турсунов, 8. Ҳумоюн Шербўтаев, 10. Тамирлан Жамалутдинов, 18. Сильванус Нимели, 19. Нуриддин Ҳасанов (99. Комрон Сайдазимов 87), 55. Шоҳжаҳон Султонмуродов, 66. Беҳруз Шайдулов, 77. Асадбек Каримов (27. Асилбек Жумаев, 70)

“Бухоро”: 13. Никола Стошич, 7. Жасур Азимов, 9. Александр Касян, 10. Ҳумоюнмирзо Иминов, 11. Темурбек Исмоилов, 15. Обид Жўрабоев (25. Аббосжон Отахонов, 46), 17. Жамолиддин Убайдуллаев, 27. Ихтиёр Тошпўлатов (22. Рўзимбой Аҳмедов, 57), 77. Файзулло Жуманқўзиев, 80. Фаррух Иброҳимов, 88. Всеволод Нихаев (5. Дилшод Жўраев, 46).

Огоҳлантиришлар: Шоҳжаҳон Султонмуродов (26), Ҳумоюнмирзо Иминов (67), Бобиржон Асқаров (73).

Четлатишлар: Рўзимбой Аҳмедов (73), Тамирлан Жамалутдинов (77).