Ўзига хос сабабларга кўра бир-бирига ўхшаш қаҳрамонларни ўйнайдиган актрисалар (фото)
Кино ишқибозлари typecasting нималигини яхши билишади, яъни типажга кўра актёрларни танлаш. Оддий қилиб айтганда, бу актёрларга режиссёрларнинг ташқи кўриниши ва характерига мос келадиган бир хил турдаги ролларни таклиф қила бошлайдиган ҳолат. Баъзан бундай актёрларни битта образга боғланиб қолган деб аташади.
Кира Найтли
Кира Найтли тарихий қаҳрамонлар ролида жуда табиий кўринади. “Покланиш” , “Герсогиня”, “Кариб денгизи қароқчилари” франшизасида ҳам унинг қаҳрамонлари ҳар доим ташқи томондан камтар аёллар бўлиб, улар ичида исёнкор руҳ доимо ёниб туради. Актриса тарихий фильмларга бўлган боғлиқлигини бугунги кун ҳақидаги сценарийларда етишмайдиган кучли ва илҳомлантирувчи аёлларни яхши кўриши билан изоҳлайди.
Бундан ташқари, актрисанинг тан олишича, тарихий спектаклларда рол ўйнаш унинг учун бошқа воқеликка ўтиш усулидир.
Скарлетт Йоханссон
“Никоҳ тарихи” ва “Таржима машаққатлари” фильмларининг сюжет и оилавий муносабатлардаги қийинчиликларга асосланган. Уларнинг ҳар бирида Йоханссон никоҳидан қониқмаётган аёл ролини ажойиб тарзда ўйнайди.
Эҳтимол, актриса учун бундай ролларга мослашиш қийин эмасдир, чунки уларда ўз ҳаёти акс этади. Актрисанинг ота-онаси у ўсмирлигида ажрашишган, актрисанинг ўзи ҳам бир неча бор ажрашган. “Никоҳ тарихи”нинг сценарийси иккинчи турмушидан ашрашиш жарайонининг энг юқори чўққисида унинг қўлига келиб тушади.
Эмма Уоцон
Актриса Гарри Поттер франшизасидан кейин қандай фильмларда суратга тушмасин, томошабинлар ўша Гермиона Гренжерни – зукко, қизиқувчан, аълочи, бироз такаббур, бироз исёнкор қизни томоша қилаётгандек туйғудан халос бўлишлари қийин эди. Бироқ бу фазилатлар нафақат ақлли сеҳргар қизга, балки Уоцоннинг ўзига ҳам тегишли.
Унинг қаҳрамонлари сингари реал ҳаётда Эмма ҳам ўз ақл-заковати ва шон-шуҳратини яхшилик учун ишлатиб, замонавий одамларнинг муайян долзарб масалалар бўйича қарашларини ўзгартиришга ҳаракат қилади. Экофаол, тенглик фаоли, хайриячи - у, албатта, бир жойда ўтиришга одатланмаган ва ўз қаҳрамонлари каби жамоат ҳаётида фаол иштирок этади.
Женнифер Энистон
Женнифер Энистон жуда кўп романтик комедияларда рол ўйнаган, унинг қаҳрамонлари жуда кўп ўхшашликларга эга эканлигини сезмаслик қийин. Одатда у ўз ҳаётини тузатишга ҳаракат қилаётган оддий, мафтункор, камбағал қизларни ўйнайди.
Афтидан, бу хусусиятлар ҳақиқий Женниферга тегишли. Шон-шуҳрат ва бойликка қарамай, у ҳали ҳам бировга ўхшаб кўринишга уринмайдиган, бошқалар билан осон тил топишиб кетадиган, яхши хулқли, самимий ва меҳнаткаш аёл бўлиб қолмоқда.
Мелисса Маккартни
Айтиш мумкинки, Мелисса Маккартни ақлли, мақсадли ва жиддий аёл ролини ўйнамайди. Кўпинча унга ўз қаҳрамонларида бўлгани каби ишонч билдиришмайди, лекин актриса ёши ва гўзаллик меъёрларига мос келмаслигига қарамай, киносаноатда ўзига хос ўрин тутади.
Эҳтимол, айнан мана шу ички исён ва муносиб ролларни танлаш унга бир неча йиллар давомида диққат марказида қолишга ва энг кўп маош оладиган комедия юлдузларидан бири бўлишга имкон бергандир.
Энн Хетеуэй
Гарчи Хетеуэйнинг баъзи қаҳрамонлари томошабинни ҳамдардлик кўз ёшларини тўкишга мажбур қилса-да, одатда улар драматиклик билан эмас, балки хаёлпарастлик, заифлик, меҳрибон қалб ва, албатта, кўзни қамаштирувчи табассуми билан ажралиб туради.
Актрисанинг ўзи ҳақида ҳам шундай дейиш мумкин: ҳар қандай интервью ва шоуларда, биринчи навбатда, одамлар унинг ёрқин табассумини кўришади. Кўриниб турибдики, айнан шундай қаҳрамонлар Энннинг шахсияти билан резонанслашгани учун у бу ролларни жуда осон ўйнайди.
Кетрин Хейгл
Кетрин Хейгл романтик комедияларнинг яна бир марказий фигурасидир. Қаҳрамонларининг хусусиятлари — принципларга содиқлик ва назоратга берилиш. Аммо актриса ҳақиқатан ҳам шундай эканини тушуна бошлаганингизда ҳаммаси жойига тушади.
Ҳелена Boneм Картер
Фаолиятининг бошида актрисага доимо мулойим аёлларни ўйнаш таклиф қилинган. Бироқ ҳозир камдан кам истиснолардан ташқари, биз Ҳелена Boneм Картерни қонун ва қоидаларни тан олмайдиган экцентрик, ақлдан озган аёллар ролларида кўрамиз.
Унинг тан олишича, у учун актрисалик қилиш ҳақиқий ҳаётдан қочиш, унинг фаровонлиги учун фойдали терапия туридир.
