Нью-Йоркдаги Sotheby’s аукционида қимматбаҳо, ёрқин пуштирангли ноёб олмос сотувга қўйилди. Олмоснинг бошланғич нархи 35 миллион АҚШ долларини ташкил этади, деб хабар бермоқда “Корреспондент.нет” нашри.
![](/static/nasiba/photo_2023-03-31_10-57-13.jpg)
Унинг вазни тахминан 10,57 каратга тенг. “Абадий пушти (олмос шундай деб аталади) тарихдаги энг муҳим олмослар қаторига кириши керак”, — дейди Америкадаги Sotheby’s заргарлик буюмлари раҳбари Квиг Бернинг.
Олмос ҳозирда Гонконгда сақланмоқда. Кейинчалик у Дубай, Сингапур, Женевага ва Нью-Йоркка юборилади.
“Бу мен кўрган ва бозорда пайдо бўлган олмослар ичидаги энг чиройли, концентрланган пуштиранг олмос”, — дея қўшимча қилган Бернинг.
Изоҳ (0)