Айни вақтда Шавкат Мирзиёев иштирокида Урганч шаҳрида Халқ депутатлари Хоразм вилояти кенгаши сессияси бўлиб ўтмоқда. Бу ҳақда “Дарё” мухбири хабар берди.
Сессияда ташкилий масала кўриб чиқилган. Президент Хоразм вилояти ҳокими лавозимига ҳоким вазифасини бажариб келаётган Жўрабек Раҳимов номзодини тавсия этди.
Номзод вилоятда аҳоли бандлигини таъминлаш ва даромадини ошириш, озиқ-овқат хавфсизлигини таъминлаш, саноатни ривожлантириш, энергетика қувватларини ошириш, ижтимоий масалаларни ҳал этиш, маҳаллада яшаш шароитларини яхшилаш бўйича режаларини тақдимот қилди.
Сўнг Хоразм вилояти ҳокимини тайинлаш масаласи овозга қўйилган. Овозга қўйиш натижаларига кўра, Жўрабек Раҳимов вилоят ҳокими этиб тасдиқланди.
Айни пайтда сессияда вилоятни янада ривожлантириш истиқболлари муҳокама қилинмоқда, келгуси режа ва вазифалар белгилаб олинмоқда.
Эслатиб ўтамиз, 2022 йил декабрда Фарҳод Эрманов Хоразм вилояти ҳокими лавозимидан озод этилиб, Қорақалпоғистон Республикаси Жўқорғи Кенгеси томонидан Қорақалпоғистон Вазирлар Кенгаши раиси лавозимига тасдиқланган эди. Шундан сўнг Жўрабек Раҳимов Хоразм вилояти ҳокими вазифасини бажарувчи этиб тайинланганди.
Изоҳ (0)