Жиззах вилояти Арнасой туманида фуқародан 260 миллион сўмдан зиёд қарздорлик ундирилди. Бу ҳақда Мажбурий ижро бюроси ахборот хизмати “Дарё”га хабар берди.
Хабарга кўра, жиноят ишлари бўйича Жиззах вилоят судининг 2020 йил 3 августдаги ижро варақасига асосан, қарздор фуқаро Б.Абдурахимов ва Ф.Абдурахимовлардан ундирувчи фуқаро V.Красилников фойдасига 435 миллион 500 минг сўм миқдорида қарз ундириш билан боғлиқ ижро ҳужжати Мажбурий ижро бюроси Арнасой туман бўлими иш юритувига келиб тушган.
Бюронинг Арнасой туман бўлими давлат ижрочилари томонидан олиб борилган ижро ҳаракатлари давомида қарздор фуқаролардан 265 миллион сўм миқдоридаги қарздорлик тўлиқ ундирилиб, мазкур ижро ҳужжати иш юритуви “Суд ҳужжатлари ва бошқа органлар ҳужжатларини ижро этиш тўғрисида”ги қонуннинг 41-моддаси, 1-бандига асосан таъминланди.
Изоҳ (0)