Германия давлат қарзи 2022 йилда рекорд даражадаги 2,37 триллион еврога етди

2022 йил охирида Германиянинг давлат қарзи мамлакат Федерал статистика бошқармаси (Destatis)нинг дастлабки маълумотларига кўра, рекорд даражадаги 2,37 трлн еврони ташкил қилди.

2021 йил охиридан буён давлат қарзи 46,1 млрд еврога ёки 2 фоизга ўсди.

Ўтган йилнинг тўртинчи чорагида давлат қарзи 41,9 млрд еврога ёки 1,8 фоизга ошган.

Аҳоли жон бошига қарз нисбати 2022 йил охирида 28,155 минг еврони ташкил этди. Бир йил аввалги кўрсаткич 27,907 минг евро эди. 

Destatis маълумотларига кўра, ўтган йил давомида федерал қарз 4,6 фоизга ўсган — 1,620 трлн еврогача, федерал ерларнинг қарзи эса 4,9 фоизга камайиб, 606,75 млрд еврони ташкил қилди. 

Шу билан бирга, Германия шаҳарлари ва уй хўжаликларининг тўланмаган қарз мажбуриятлари ҳажми 5,2 фоизга ошиб, 140,17 млрд еврога етди.