Олимлар Қуёшда Ердан 20 марта катта янги улкан “тешик”ни аниқлади. У яқин кунларда Ерда магнит бўронлари кузатилишига олиб келиши мумкин. Бу ҳақда “MIR 24” хабар берди.
Қора туйнукдан эсаётган иссиқ шамол оқими соатига 2,9 миллион километр тезликда ҳаракатланмоқда. Мутахассислар у 31 март ёки 1 апрель куни Ерга тушишини прогноз қилди. Бу магнит бўронини қўзғатади.
Об-ҳавога таъсирчан одамлар кучли магнит бўронига олдиндан тайёргарлик кўриши керак. Қуёш шамоли сунъий йўлдошлар ва бошқа қурилмаларнинг ишлашига ҳам таъсир ўтказиши мумкин. Аммо шимол ёғдусини томоша қилишни яхши кўрадиганлар учун бу яхши янгиликдир. Сабаби ноёб табиат ҳодисасини кўриш эҳтимоли имкон қадар юқори бўлади.
Магнит бўронининг саломатликка таъсири
Магнит бўронлари ҳатто ўрта кучга эга бўлса ҳам, инсон саломатлигига салбий таъсир кўрсатади. Магнит бўронининг салбий таъсирининг энг кенг тарқалган кўринишлари қуйидагилар:
- бош айланиши ва бош оғриғи;
- уйқу бузилиши;
- диққатни жамлаш билан боғлиқ муаммолар;
- қон босимнинг бузилиши;
- сурункали касалликларнинг кучайиши;
- оғриқлар, шунингдек, бўғимлардаги оғриқ;
- иштаҳа бузилиши ва кўнгил айниши;
- ҳолсизлик.
Бундай кунларда организмга ёрдам бериш учун кунига камида 7-8 соат ухлаш маслаҳат берилган. Овқат ратционидан ёғли ва аччиқ овқатларни олиб ташлаб, кунига камида 2 литр сув ичиш тавсия қилинади. Қаҳва миқдорини камайтириб, ўсимликлардан тайёрланган чой истеъмол қилиш керак.
Шунингдек, контрастли душ, эрталабки машқлар, тоза ҳавода юриш, югуриш магнит бўрони фонида саломатликни яхшилашга ҳисса қўшади.
Изоҳ (0)