30 март куни Нью-Йоркда бўлиб ўтадиган БМТ Бош ассамблеясининг чиқиндисиз ишлаб чиқариш муаммоси бўйича юқори даражадаги йиғилиши доирасида Туркманистоннинг янги шаҳри – Аркадағнинг тақдимоти бўлиб ўтади. Бу ҳақда Бирлашган Миллатлар Ташкилотидаги миллий миссия хабар берди.
Аркадағ — 2007 йил февралидан 2022 йил мартигача мамлакатни бошқарган ва ҳозирда халқ ҳокимиятининг олий вакиллик органи — Халқ кенгашини бошқараётган Гурбангули Бердимуҳамедовнинг расмий унвони ҳисобланади.
“Бу шаҳар чиқиндисиз технологиялар, ‘ақлли’ шаҳар тизимлари ва замонавий экологик ечимлардан кенг фойдаланади”, — дейилади хабарда.
Туркманистоннинг Ахал вилояти маркази Аркадағ шаҳри мамлакат тарихида биринчи марта давлат аҳамиятига молик шаҳар мақомини олди ва яқин келажакда унинг тантанали очилиш маросимини ўтказиш режалаштирилган. Нью-Йоркдаги делегацияга Туркманистон ташқи ишлар вазири ўринбосари Мяхри Бяшимова бошчилик қилади.
Учрашув Париж келишуви, Биологик хилма-хиллик тўғрисидаги конвенсия, Янги шаҳар кун тартиби ва Хавфли чиқиндиларни трансчегаравий ташиш ва уларни йўқ қилишни назорат қилиш тўғрисидаги Базел конвенсиясини қўллаб-қувватлаш мақсадида ўтказилмоқда.
Эзиз Бояров, Ашхобод
Изоҳ (0)