Россияда танишининг қулоғини кесиб ташлаган ўзбекистонлик эркакка ҳукм ўқилди 

Россиянинг Тула вилоятида маст танишининг қулоғини кесиб ташлаган Ўзбекистон фуқаросига суд ҳукми ўқилди. Бу ҳақда TCH24 хабар берди.

Ҳодиса 7 декабрь куни юз берган, ўзбекистонлик эркак нотаниш хонадонда танишлари билан спиртли ичимлик ичган. Шахсий келишмовчилик туфайли у 55 ёшли ҳамроҳини калтаклаган. Жабрланувчи полга йиқилгач, унинг чап қулоғини кесиб ташлаган.

Оқибатда жабрланувчи олган тан жароҳатлари туфайли воқеа жойида ҳалок бўлган. Унинг жасади айбланувчи ва хонадон эгаси томонидан подъезд кираверишидаги зинапояга олиб тушиб қўйилган. Қотиллик содир этган эркак қасддан баданга оғир шикаст етказиш, эҳтиётсизлик оқибатида жабрланувчининг ўлимига сабаб бўлишда айбланган.

Тула вилояти прокурорининг биринчи ўринбосари томонидан Ўзбекистон фуқаросига нисбатан қўзғатилган жиноят иши бўйича давлат айблови қўллаб-қувватланган. Суд эркакни 9 йилга озодликдан маҳрум қилиш билан бирга 1 йилга қаттиқ режимдаги колонияда жазо ўташга ҳукм қилди.