Ўзбекистон терма жамоаси сентябрь ойида Болгарияга қарши ўртоқлик ўйинида иштирок этади

Футбол бўйича Ўзбекистон миллий терма жамоаси сентябрь ойида Болгарияга қарши ўртоқлик ўйинида иштирок этади. Бу ҳақда ЎФА матбуот хизмати маълум қилди.

Сречко Катанец шогирдлари сентябрь ойида Софияда ўқув-йиғин машғулотларини ўтказади. Ушбу йиғин давомида Ўзбекистон 6 сентябрда Болгарияга қарши ўртоқлик учрашувини ўтказади. 

Эслатиб ўтамиз, Ўзбекистон терма жамоаси март ойидаги ФИФА кунларида иккита ўртоқлик ўйини ўтказди. Саудия Арабистонида ўтган йиғин мобайнида Боливия терма жамоаси мағлуб этилган (1:0) бўлса, Венесуэла билан дуранг қайд этилди (1:1)