Дунёдаги энг йирик криптовалюта биржаси Binance трейдерлар маблағларининг катта миқдорда чиқиб кетишига дуч келмоқда.
The Wall Street Journal нашрининг Нансен таҳлилий компанияси маълумотларига таяниб ёзишича, ўтган ҳафтада фойдаланувчилар биржадан 2,1 миллиард доллар олиб чиқишган.
Фойдаланувчи маблағларининг чиқиб кетиши биржада сўнгги пайтларда юзага келган муаммолар билан боғлиқ.
Шундай қилиб, ўтган ҳафтада Binance дастурий таъминотдаги хато туфайли бир неча соатга спот савдоларни, депозитларни ва пул маблағларини олишни тўхтатишга мажбур бўлди.
Кеча, 28 март куни эса АҚШ товар фючерслари савдо комиссияси (CFТC) Binance, унинг асосчиси ва бош директори Чангпенг Чжао, шунингдек, собиқ топ-менежер Самюэль Лим устидан судга мурожаат қилди.
Регулятор уларни АҚШнинг қатор қонун-қоидаларини, жумладан, пул ювишга қарши курашга қаратилган қоидаларни бузганликда айблайди.
Нансеннинг сўзларига кўра, америкалик регуляторнинг даъво аризаси ҳақида расмий эълон қилинишидан бир неча соат олдин фойдаланувчилар биржадан 850 миллион доллар ечиб олишган. Даъво эълон қилингандан кейин эса яна 240 миллион доллар.
Бу Binance'дан фойдаланувчи маблағларининг биринчи оммавий чиқиши эмас. Охирги марта мижозлар ўз пулларини биржадан 13 декабрда оммавий равишда олиб кетишган.
Binance ҳозирда 63 миллиард долларлик криптовалюта активларини назорат қилади.
Изоҳ (0)