Тошкентда “Инвестициялар ва риск-менежмент” мавзусидаги AgroInsurance 2023 иккинчи халқаро конференцияси ўз ишини бошлади
25 март куни Тошкент шаҳрида қишлоқ хўжалиги ишлаб чиқарувчилари ва молиячиларнинг “Инвестициялар ва риск-менежмент” мавзусидаги AgroInsurance 2023 иккинчи халқаро конференцияси ўз ишини Ўзбекистон қишлоқ хўжалигини ривожлантириш истиқболларини муҳокама қилишдан бошлади.
Аграр тармоқ юртимиз ижтимоий фаровонлиги ва иқтисодий равнақида ғоятда муҳим ўрин тутади. Қишлоқ хўжалиги Ўзбекистон ЯИМнинг салмоқли ўсишини таъминлайди, озиқ-овқат хавфсизлигини кафолатлайди ва иқтисодий фаол аҳолининг тўртдан биридан зиёд қисмига иш ўринларини тақдим этади.
Ҳосил мўл келса, ҳаммага яхши. Лекин ҳосилсизлик рўй берса, унинг оқибатларидан бутун мамлакат азият чекади. Айнан шунинг учун ҳар биримиз фермерларимиз фаолиятини қўллаб-қувватлашга интиламиз. Олимлар ҳосилдор тупроғимиз ва ҳосилимизни нобуд қилишга қодир бўлган табиий ҳалокатларга қарши курашишнинг янги усулларини ишлаб чиқмоқда. Суғуртачи ва банкирлар фермерларнинг ишончли молиявий ҳимоясини таъминлаш ва уларни кўпроқ молиялаштиришнинг янги имкониятлари устида изланмоқда.
"Semurg Insurance" суғурта компанияси ва Пахта-тўқимачилик кластерлари ассоциацияси томонидан Ўзбекистон Республикаси Қишлоқ хўжалиги вазирлиги кўмагида ташкил этилган AgroInsurance 2023 конференцияси Ўзбекистон қишлоқ хўжалигини ривожлантириш йўлларини муҳокама қилиш учун қишлоқ хўжалиги соҳасидаги халқаро миқёсдаги олимлар, энг йирик кластерлар, халқаро қайта суғурталовчилар ва фондлар, мамлакатимиз ва хорижий молиявий ташкилотлар вакилларини тўплади.
Конференциянинг марказий мавзуси ҳосилни суғурталаш бўлди. Илғор халқаро экспертлар бутун дунёда ҳосил суғуртаси иккита энг муҳим функцияни бажаришини қайд этдилар.
Биринчиси, фермерларга бевосита тўланадиган пул компенсацияси уларга ҳосилнинг нобуд бўлиши оқибатларини енгиб ўтиш ва ўз агробизнесини қайта тиклашга ёрдам беради.
"Semurg Insurance" суғурта компанияси вакиллари тушунтирганидек, уларнинг агросуғурта дастури бўйича тўловлар кафолатланган, чунки ишончлилик рейтинги жуда баланд бўлган "Сwисс Ре" йирик қайта суғурталаш компанияси билан ҳамкорлик қилинмоқда. Бундай халқаро ҳамкорлик туфайли мамлакатимиз фермери охирги пайтларда қишлоқ хўжалигида оддий ҳол бўлиб қолган йирик миқдордаги зарарлар пайтида ҳам суғуртачидан тўлов олишига кўнгли ҳотиржам бўлиши мумкин.
Иккинчиси. Суғурта фермерларга нафақат ўз бизнесини сақлаб қолишга, балки уни муваффақиятли ривожлантиришга ҳам ёрдам беради. Конференцияда Ўзбекистон учун ноёб бўлган, лекин халқаро амалиётда кенг қўлланилаётган молиявий восита тақдимот қилинди. Бу суғурта қилинган бўлажак ҳосилдан қишлоқ хўжалиги бизнесини ривожлантиришда кредит олиш учун гаров сифатида фойдаланиш.
«Бу дастур нафақат мавсумий ишларни бажариш, балки экин майдонларини кенгайтириш ва ускуналарни харид қилиш учун кредит олиш имконини беради. Айни пайтда суғурта қилинган бўлажак қишлоқ хўжалиги экинлари ҳосилини гаровга қўйишдан ташқари бошқача бир таъминот талаб қилинмайди», - деб тушунтиришди "Semurg Insurance" вакиллари.
Конференция иштирокчилари кўтарилган мавзуларга катта қизиқиш билдириб, халқаро қайта суғурта компанияларининг кафолатлари, кредит олишда суғуртанинг ўрни, халқаро фондлардан субсидия олиш имкониятилари ҳақида кўплаб савол беришди.
Қишлоқ хўжалиги вазирлиги, Инвестициялар, саноат ва ташқи савдо вазирлиги, Иқтисодиёт ва молия вазирлиги, Суғурта бозорини ривожлантириш агентлиги, шунингдек, энг йирик "Сwисс Ре", "Эуропа Ре" халқаро қайта суғурталаш компаниялари кўмагида ўтказилган AgroInsurance 2023 иккинчи халқаро конференцияси — мамлакатимизда агросуғурта соҳасини комплекс ривожлантириш сари муҳим қадам. "Semurg Insurance" компанияси халқаро ҳамкорлар ва Ўзбекистон Қишлоқ хўжалиги вазирлиги кўмагида бундан буён ҳам юртимиз қишлоқ хўжалигининг барқарор ривожига ўз ҳиссасини қўшадиган ишончли агросуғурта дастурларини ривожлантиришга тайёр.
Реклама ҳуқуқи асосида.
