Оддий одамлардан тортиб, машҳур олим ва спортчиларгача бўлган турли шахсларнинг таржимаи ҳоли асосида суратга олинган кўплаб фильмлар мавжуд. Машҳур актёрлар ва актрисалар экранда ўйнаган қаҳрамонлари билан учрашгани кадрга муҳрланган фотосуратларни томоша қилинг.
Роберт Де Ниро ва Жейк ЛаМотта
Режиссёр Мартин Скорсезе томонидан суратга олинган “Қутурган буқа” фильми 1980 йилда экранларга чиққан. У келиб чиқиши италиялик бўлган машҳур америкалик боксчи, профессионаллар ўртасида жаҳон чемпиони Жейк ЛаМоттанинг хотираларига асосланган эди. Фильмда бош ролни Роберт Де Ниро ижро этган. Фильм кўплаб мукофот ва номинацияларга сазовор бўлган.
Юқоридаги расмда ЛаМотта ва Де Ниро 1981 йилда Нью-Йоркдаги ресторанда.
Эдди Редмейн ва Стивен Хокинг
Эдди Редмейн “Стивен Хокинг коиноти” (2014) тарихий мелодрамасида машҳур инглиз назариётчи физиги ва астрофизики ролини ижро этган. Редмейн 6 ой давомида Хокингнинг ҳаёти билан танишиб, топа олган барча интервью тасмаларини кўздан кечиради. У олимнинг талаффузини ҳам ўрганган. Натижада актёр ҳам, фильм ҳам кўплаб мукофот ва номинацияларга сазовор бўлади.
Юқоридаги суратда Стивен Хокинг ва Эдди Редмейн 2014 йилда фильмнинг Британиядаги премьерасида.
Риз Уизерспун ва Шерил Страйд
“Ёввойи қиз” (2014) саргузашт драмаси Шерил Страйд 1995 йилда кўплаб шахсий муаммолари ҳаётини барбод қилганидан сўнг ёлғиз ўзи қилган бир километрлик саёҳати ҳақида ҳикоя қилади. Фильмда бош ролни Риз Уизерспун ижро этган. Бу роли учун актриса кўплаб мукофотларга номзод бўлган.
Юқорида Уизерспун ва Страйд 2014 йилда BFI London кинофестивалида фильм премьерасида.
Уилл Смит ва Муҳаммад Али
2001 йилда боксчи Муҳаммад Алининг 1964 йилдан 1974 йилгача бўлган ўн йиллик ҳаётига бағишланган “Али” спорт драмаси чиқди. Буюк боксчи ролини Уилл Смит ижро этган. Актёр ҳам, фильм ҳам кўплаб мукофотлар ва номинацияларга сазовор бўлган — фильм танқидчилар томонидан ҳам яхши қабул қилинган.
Юқоридаги фотосуратда — Муҳаммад Али ва Уилл Смит 2001 йилда Голливуддаги фильм премьерасида.
Сандра Буллок ва Ли Энн Туи
“Кўринмас томон” (2009) биографик спорт драмаси “Балтимор Raveнс” жамоасида ўйнайдиган америкалик футболчи Майкл Охер ҳақида ҳикоя қилади. Сандра Буллок Майклнинг асраб олган онаси Ли Энн Туи ролини ўйнайди.
Актриса ва Ли Энн Туи (юқоридаги расмда) 2009 йилда ушбу фильмнинг хайрия премьерасида бирга бўлишади.
Бред Питт ва Билли Бин
“Ҳамма нарсани ўзгартирган одам” (2011) биографик спорт драмаси Майкл М. Льюиснинг “MoneyБалл. Қандай қилиб математика дунёдаги энг машҳур спорт лигасини ўзгартирди” китобига асосланган. Китоб Оаkland Аthletics бейсбол жамоаси ва унинг бош менежери Билли Бин ҳақида. Фильмда бош ролни Бред Питт ижро этади. Фильм кассада муваффақият қозониб, 73 та мукофотга номзод бўлади — улардан 19 тасини қўлга киритади.
Юқоридаги фотосуратда Билли Бин, Бред Питт ва Жона Хилл 2011 йилда фильм намойиш этилишидан олдин Лос-Анжелесдаги кинотеатрда.
Жейк Жилленхол ва Жефф Бауман
Жефф Бауманнинг хотиралари асосида яратилган “Кучлироқ” (2017) биографик драмаси 2013 йилда Бостон марафонида юз берган фавқулодда вазият вақтида жароҳатланган одам ҳақида ҳикоя қилади. Бош ролда Жейк Жилленхол.
Юқоридаги расмда Жилленхол ва Бауман фильмнинг 2017 йилда 12-Рим кинофестивалидаги тақдимотида.
Эмма Стоун ва Билли Жин Кинг
“Жинслараро жанг” (2017) спорт комедик драмаси фахрий теннисчи Бобби Риггс ва ўша даврнинг етакчи профессионал теннисчиларидан бири Билли Жин Кинг ўртасидаги учрашув ҳақида ҳикоя қилади. Иккинчисининг ролини Эмма Стоун ўйнайди.
Мана, улар (юқоридаги расмда) 2017 йилда Калифорниянинг Вествуд шаҳрида бўлиб ўтган фильм премьерасида бирга.
Леонардо Ди Каприо ва Фрэнк Эбигнейл
“Устаси фаранг” режиссёр Стивен Спилберг томонидан 2002 йилда суратга олинган ёзувчи ва жиноятчи Эбигнейлнинг реал ҳаёти ҳақидаги детектив трагикомедия. Фрэнк Эбигнейл ролини Леонардо Ди Каприо ижро этган.
Мана, улар 2002 йилда Калифорниянинг Вествуд шаҳридаги Маnn Village театрида фильм премьерасида бирга.
Марго Робби ва Тоня Хардинг
“Тоня ҳаммага қарши” (2017) драмаси америкалик фигурали учувчи Тоня Хардингнинг ҳаёти ва фаолияти ҳақида ҳикоя қилади. Сюжет 1994 йилда унинг фигурали учиш бўйича рақиби ва Олимпия терма жамоасидаги дўсти Ненси Керриганга қилинган ҳужумга қаратилган. Марго Робби Тоня Хардинг ролини ўйнайди. Фильм ҳам, актриса ҳам кўплаб мукофот ва номинацияларга сазовор бўлган.
Марго ва Тоня биргаликда (юқоридаги расмда) фильмнинг 2017 йилда Лос-Анжелесдаги премьерасида.
Бейонсе ва Этта Жеймс
“Кадиллак Рекордс” мусиқий биографик драмаси (2008) Чикагодаги нуфузли овоз ёзиш компанияси раҳбари Леонард Чесс ва Chess Records учун мусиқа ёзган бир неча мусиқачиларнинг ҳаёти ҳақида ҳикоя қилади. Беёнсе америкалик қўшиқчи Этта Жеймс ролини ўйнайди.
Жеймс ва Бейонсе (юқоридаги расм) 2008 йилда Лос-Анжелесдаги фильм премьерасида бирга бўлишган.
Изоҳ (0)