Россия ўзининг мавжудлигига таҳдид бўлган тақдирда ҳар қандай душманни йўқ қилиши мумкин, чунки у ноёб замонавий қуролларга эга. Бу ҳақда Россия Хавфсизлик кенгаши котиби Николай Патрушев “Российская газета”га берган интервьюсида маълум қилди.
Патрушев бундай қурол АҚШни ҳам йўқ қилишга қодирлигини қайд этди. У Америка стратегик бомбардимончи самолётларининг Россия чегаралари яқинидаги парвозини хавфли деб баҳолади.
“Бунга нисбатан бир нарсани айтишимиз мумкин. Россия сабрли ва ўзининг ҳарбий устунлиги билан ҳеч кимни қўрқитмайди. Аммо у ҳар қандай рақибни, жумладан, АҚШни ҳам ўз мавжудлигига таҳдид туғилганда йўқ қилишга қодир замонавий ноёб қуролларга эга”, — деди Патрушев.
Шунингдек, Россия Хавфсизлик кенгаши котиб Москва унга ёрдам сўраб мурожаат қилган ҳар қандай халқларнинг суверенитети ва давлатчилигининг тарихий ҳимоячиси эканини айтди.
“Россия АҚШни камида икки марта — Инқилобий уруш ва Фуқаролар уруши даврида қутқарди. Аммо бу сафар АҚШга ўз яхлитлигини сақлашга ёрдам бериш ноўрин”, — таъкидлади у.
Изоҳ (1)
Ajoyib yangilik