Фарғонада ИИО ходимларини ҳақоратлаб видео олган эркак 10 суткага қамалди (видео)

Фарғона вилояти Фурқат туманида ИИО ходимларини ҳақоратлаб видео олган эркак 10 суткага қамалди.

Мазкур туманда яшовчи фуқаро хизмат вазифасини бажараётган йўл-патрул хизмати ходимларини ҳақоратли сўзлар билан тасвирга олган ва ижтимоий тармоқларда эълон қилган. Шундан сўнг инспекторлар ҳақоратли сўзлар сабабли унинг устидан судга мурожаат қилган. 

Суд жараёнида эркак айбига тўлиқ иқрор эканлигини билдириб, барчадан қилмиши учун узр сўраган. 

Суд ҳукмига асосан, унга нисбатан Маъмурий жавобгарлик тўғрисидаги кодекснинг 41-моддаси билан БҲМнинг 20 баробари жарима жазоси, 183-модда билан 10 сутка маъмурий қамоқ жазоси, 34-моддага асосан 10 сутка маъмурий қамоқ жазоси тайинланди ҳамда қамоқ харажати ундирилиши белгиланди.