Украина Давлат чегара хизмати спикери Андрей Демченко Беларусдаги рус ҳарбийлари сони камайганини маълум қилди. Бу ҳақда ''ZN.ua'' хабар берди.
Келтирилишича, ҳозир Беларусь ҳудудида 4 000 га яқин россиялик ҳарбий хизматчилар бор. Чегарадаги вазият Украина назорати остида қолмоқда, бироқ Беларусь Россия бўлинмалари учун қуруқлик ва ҳаво ҳудудини беришда давом этмоқда.
“Ҳозир Россия Қуролли кучларининг 4 000 дан ортиқ ҳарбий хизматчиси Беларусь ҳудудида, улар асосан қўшма машғулотларда қатнашмоқда. Бу рақам аввалгидан бироз камроқ”, — деди у.
Демченко камайишни Россиянинг Беларусдан тайёрланган ҳарбий бўлинмаларини олиб чиқиб кетгани билан изоҳлади. Улар Россиядан Украина шарқига жойлаштирилаётгани қайд этилган.
25 март куни Россия президенти Путин Беларусь ҳудудида тактик ядро қуроллари жойлаштирилишини маълум қилганди. Беларусь раҳбари Александр Лукашенко агар Украина Буюк Британиядан уранга бойитилган снарядларни қабул қилса, “даҳшатли жавоб” бўлиши билан таҳдид қилган. Украина Қуролли кучлари бош штаби Россия армиясининг Беларусдан ҳужум қилиш хавфи бир йил давом этишини билдирган.
Изоҳ (0)