Германияда авиация ходимлари иш ташлаши туфайли Uzbekistan Airways Франкфуртга парвозни бекор қилди
Германияда авиация ходимлари 27 март куни иш ташлаши туфайли Uzbekistan Airways шу куни амалга ошириладиган Франкфуртга парвозни бекор қилди.
Авиакомпания матбуот хизматининг хабар қилишича, Германия аэропортларида авиация соҳаси ходимларининг 27 март куни бир кун давомида (соат 00:00 дан 23:59 гача) иш ташлаш режалаштиргани сабабли мамлакат ҳукумати томонидан авиакомпанияларнинг тижорий рейсларини бекор қилиш бўйича кўрсатма берилган.
Шу муносабат билан, Тошкент—Франкфурт—Тошкент йўналиши бўйича HY231/232 рейслари фақат шу куни бекор қилинади ва йўловчилар 29 март куни навбатдаги HY231/232 рейслари билан ўз манзилларига етказилади:
- Тошкентдан учиш маҳаллий вақт билан (Тошкент) соат 09:45 да;
- Франкфуртга келиш маҳаллий вақт билан (Франкфурт) соат 13: 40 да;
- Франкфуртдан учиш маҳаллий вақт билан (Франкфурт) соат 15:10 да;
- Тошкентга келиш маҳаллий вақт билан (Тошкент) эртаси куни соат 00:25 да.
Авиакомпания 29 мартдан Тошкент—Франкфурт—Тошкент йўналиши бўйича парвозлар сонини ҳафтасига 3 мартадан 4 мартага кўпайтиради. Бундан буён Франкфуртга тўғридан тўғри авиақатновлар душанба, чоршанба, пайшанба ва шанба кунлари амалга оширилади.
