Дунёда нефть нархи тушиб бормоқда

24 январь тушдан кейин жаҳон молия бозорларидаги умумий ўзгарувчанлик фонида нефть нархларининг пасайиш жараёни кучаймоқда. Бу ҳақда “Интерфакс” хабар берди.

Лондоннинг ICE Futures биржасида Brent нефтининг май фючерслари Тошкент вақти билан 15:56 га келиб 2,47 долларга (3,25 фоизга) пасайиб, бир баррел учун 73,44 долларни ташкил қилди.

Нью-Йорк товар биржаси электрон савдоларида WTI нефтининг май ойидаги фючерслари котировкалари белгиланган вақтга келиб 2,46 долларга (3,52 фоизга) тушиб, бир баррел учун 67,5 долларни ташкил этди.

Котировкалар жума куни Европа банклари акциялари пасайишининг янги тўлқини ва долларнинг мустаҳкамланиши туфайли тушишда давом этмоқда. Кучли доллар бошқа валюта эгалари учун товарларнинг жозибадорлигини пасайтиради.

Bloomberg таъкидлашича, нефть биринчи чоракни 2020 йил бошидан буён рекорд даражадаги пасайиш билан якунлаши мумкин, чунки АҚШда рецессиядан хавотир ва банк секторидаги муаммолар таъминотнинг юқори даражасини сақлаб қолиш билан боғлиқ.

Доллар мустаҳкамланмоқда, айни пайтда АҚШ ва айниқса Европа қимматли қоғозлари фаол равишда тушиб кетмоқда, бу эса товар секторига босим ўтказяпти, — деб ёзади Сахо Банкнинг товар стратегияси раҳбари Оле Слот Хансен.