Андижонлик тадбиркор ўлимида жиноят аломатлари аниқланмаган — прокуратура

Айни пайтда Андижон вилояти прокуратурасида матбуот анжумани ўтказилмоқда. Бу ҳақда “Дарё” мухбири хабар берди. 

Прокуратура расмийларининг маълум қилишича, тадбиркор ўлими юзасидан иш якунланган.

“Терговолди текширув ҳаракатларини ўтказиб, ҳолатда жиноят аломатлари аниқланмагани боис иш якунланган”, — дея ахборот берган расмийлар.

Андижонлик Раҳмидин Мирзаев “Rashmilk” ва “Recosement” брендлари асосчиси ҳисобланади. У 2022 йилнинг июль ойида ўз жонига қасд қилиб, вафот этганди. Аввалроқ ҳодиса юзасидан Шаҳрихон тумани прокуратураси томонидан терговга қадар текширув ҳаракатлари олиб борилаётгани хабар қилинган.