Сурхондарё вилояти Ангор туманидаги 13-мактабда 27 февраль куни ўқитувчи ўқувчини уриб, тишини синдирди. Бу ҳақда “Миллар” дастурида маълум қилинди.
Қайд этилишича, воқеа 27 февраль куни мактаб стадионида содир бўлган. Маълум бўлишича, икки ўқувчи футбол ўйнаётганда тортишиб қолган, буни кўрган жисмоний тарбия фани ўқитувчиси уларни ажратмоқчи бўлган.
Шундан сўнг бошқа ўқитувчи бу ҳолатни кўриб, болалар устозини калтаклаяпти деб ўйлаб, ҳодиса жойига югуриб борган ва ўқувчига мушт туширган. Аниқланишича, зарб оқибатида мактабнинг 11-синфида ўқувчи боланинг иккита тиши синган.
“Ўқувчи ва ўқитувчи ўртасида жанжал содир бўлган. Воқеадан хабар топиб, етиб келдим. Шифохонага бордим, ота-онасининг ёнига бордим, ҳолатни ўргандим. Дори-дармонга ёрдам кўрсатдик. Ўқитувчи айбини тан олди, ўз аризасига кўра мактабдаги ишидан бўшади”, — дейди мактаб директори Элмурод Абдиев.
Изоҳ (0)