Бугун,

  • USD 11095.31
  • RUB 173.84
  • EUR 10772.44

Ўзбекистон соғлиқни сақлаш вазири Амрилло Иноятов бошчилигидаги делегация “Соғлом жамият” форумида иштирок этиш учун Россия Федерациясининг Санкт-Петербург шаҳрида сафарда бўлиб турибди

Фото: Соғлиқни сақлаш вазирлиги ахборот хизмати

Вазирлик ахборот хизматига кўра, тадбир олдидан вакиллар илк учрашувни Санкт-Петербург шаҳри губернатори ўринбосари Олег Эргашев билан ўтказган. Мулоқотда вазир соғлиқни сақлаш соҳаси бўйича ўзаро ҳамкорлик алоқалари кейинги йилларда ривожланаётгани, бунда икки давлат раҳбарларининг ҳиссаси борлигини таъкидлаган. 

Маълум бўлишича, Санкт-Петербург давлат педиатрия тиббиёт университети ва Қорақалпоғистон тиббиёт институти ўртасида эришилган келишувга мувофиқ, халқаро қўшма таълим дастури асосида клиник ординатура ташкил этилган. Келгусида Оролбўйи минтақасида икки олий ўқув юртининг қўшма клиникасини очиш режалаштириляпти.

Шунингдек, мулоқотда Ўзбекистон Республикаси ихтисослаштирилган онкология ва радиология илмий-амалий тиббиёт маркази ҳамда Санкт-Петербург шаҳридаги Россия Федерацияси Соғлиқни сақлаш вазирлиги Н.Петров номидаги онкология миллий тадқиқот маркази ўртасида клиник ординатура бўйича қўшма таълим дастурини амалга ошириш масаласи кўриб чиқилган.

Изоҳ
Асосий янгиликлар
Кино
“Жон Уик” муаллифлари франшизанинг бешинчи қисми устида иш бошланганини эълон қилди
Спорт
U-20 ЖЧ—2023 чорак финалига йўл олган барча жамоа номи маълум бўлди
Маҳаллий
Ўзбекистонда 8 та тижорат банкининг лицензияси чақириб олиниши мумкин