Ўзбекистонда февраль ойида электромобиллар сотуви 746 донани ташкил этиб, рекорд қайд этди. Бу ҳақда Иқтисодий тадқиқотлар ва ислоҳотлар маркази маълумотларидан аниқ бўлди.
Қайд этилишича, ўтган ойда электромобиллар сотуви январга нисбатан 73 фоизга кўпайган. Электромобилларнинг асосий қисми Тошкент шаҳрида сотилган — 549 дона.
Шу билан бирга, ўтган йилнинг шу даврига нисбатан электромобиллар савдоси 99 фоизга ошди.
-7.jpg)
Агар бир ой давомида бирламчи бозорда электромобиллар сотуви январь ойи ҳолатига кўра 2,3 баравар ўсиб, 617 донани ташкил этган бўлса, иккиламчи бозорда сотувлар 22 фоизга камайиб, 129 донага тўғри келди.
Бу янги электромобиллар сотувига талаб кўпайганини англатади.
Ўзбекистонда ҳали ҳеч қачон электромобил сотуви февралдагидек кўп бўлмаган эди. Икки йил ичида сотувлар 12 баробарга кўпайган.
Маълумот учун, февралда сотилган енгил автомобилларининг умумий сони бир ой давомида 1,8 фоизга камайган ҳолда 116 мингтани ташкил этди.
Изоҳ (0)