Ўзбекистонда дам олиш кунлари қуруқ ва илиқ об-ҳаво бўлади

Дам олиш кунлари республика ҳудуди бўйича қуруқ ва илиқ об-ҳаво сақланиб туради, деб хабар бермоқда “Ўзгидромет”.

Прогнозларга кўра, 24 март, жума куни Ўзбекистон ҳудуди бўйича ҳаво асосан кам булутли бўлади, ёғингарчилик кутилмайди. Жанубда ва чўл ҳудудларда баъзи жойларда шамол 15-18 метр/секундгача кучайиши, айрим жойларда чанг-тўзон билан кузатилиши мумкин. Ҳаво ҳарорати 20-23 даража илиқ бўлади.

Шанба ва якшанба кунлари республика ҳудуди бўйича қуруқ ва илиқ об-ҳаво сақланиб туради. Кундузги ҳаво ҳарорати кўтарилади ва 23-25 даражани, шимолда, жанубда ва чўл ҳудудларда 27-29 даражани ташкил этади.

Республиканинг тоғли ҳудудларида 24—26 март кунлари баъзи жойларда ёмғир ёғиши, баланд тоғларда ёғингарчилик (ёмғир, қор) бўлиши мумкин.

Тошкентда ҳаво бироз булутли бўлади, вақти-вақти билан ўзгариб туради, Кучсиз шамол эсади. Ҳарорат кечаси 8-10 даража, кундузи 22-25 даража илиқ бўлади.