Гонконгда автобуслар ва юк машинаси иштирокидаги ЙТҲда 90 га яқин одам жароҳатланди (фото, видео)

Гонконгда тўртта автобус ва битта юк машинаси иштирокида йўл-транспорт ҳодисаси содир бўлди, 87 киши жабрланди. Бу ҳақда TVB телеканали хабар бермоқда.

Қайд этилишича, ЙТҲ Цзюнао шоссесининг участкаларидан бирида содир бўлган. Жабрланганларнинг деярли ярми — мактаб ўқувчилари, камида 15 киши оғир яраланган.

Ҳодиса содир бўлган ҳудудда транспорт ҳаракати чекланиб, туннел тўсиб қўйилган.

Полиция маълумотларига кўра, дастлабки тергов ЙТҲgа учраган бешта автомобиль тезликни оширмаганини кўрсатган, ҳайдовчиларнинг барчаси спиртли ичимлик тестидан ўтган. Ҳодиса сабаби ўрганилмоқда.