Андижондаги 179 та масжидда таровиҳ намозларида хатми Қуръонлар ўқилмоқда.
21 март куни Ўзбекистон мусулмонлари идораси Уламолари кенгаши томонидан Ислом дини манбалари ва астрономик маълумотларга таянган ҳолда 2023 йилда Рамазон ойининг биринчи куни 23 мартдан кириб келиши ҳақида хулоса қилингани маълум қилди. Мамлакат бўйлаб 22 март куни кечаси масжидларда таровиҳ намози ўқиш бошланди.
“Дарё” мухбири Умиджон Мамарасуловнинг Мусулмонлар идораси Андижон вилоятидаги вакиллигига таяниб хабар беришича, вилоятдаги 179 та масжидда хатми Қуръон ўқилиши белгиланган.
Вилоят бош имом-хатиби Мирзамақсуд Алимовнинг айтишича, барча масжидларда бир хил саҳифаларда 27 кун давомида хатми Қуръон ўқилади. Жоме масжидларга йиғилган минг-минглаб намозхонлар ҳофиз қориларнинг чиройли совт ва хушовозлик билан ўқиган қироатларидан баҳраманд бўладилар. Хатми Қуръон сўнггида барча масжидларда бир хил вақтда жамоат бўлиб дуолар қилиш белгиланган.
Изоҳ (0)