Тошкент вилоятида 95 млн сўмлик тақинчоқларни пайпоғи ичига яшириб олган шахс ушланди

Тошкент вилояти божхона постида 95 млн сўмлик тақинчоқларни пайпоғи ичига яшириб олган шахс ушланди. Бу ҳақда ЎзА хабар берди. 

Хабарга кўра, вилоят божхона бошқармаси “Ойбек” чегара божхона пости орқали қўшни мамлакатдан кириб келаётган фуқаро хатти-ҳаракатлари ходимлар эътиборини тортган. Ўтказилган шахсий кўрик натижасида фуқаронинг пайпоқлари ичига яширилган, умумий қиймати 95 миллион сўмлик жами 183 грамм заргарлик буюмлари борлиги аниқланди.  

Шунингдек, жисмоний шахслар томонидан Ўзбекистонга қийматидан ошмайдиган, умумий оғирлиги 65 граммдан кўп бўлмаган қимматбаҳо металлар ва қимматбаҳо тошлардан заргарлик буюмларини олиб кириш мумкинлиги эслатиб ўтилган.