Ўзбекистонда озиқ-овқат етиштиришни кўпайтириш учун 2023 йилда 6,2 триллион сўм янгича механизмлар асосида ажратилади. Бу ҳақда 23 март куни Шавкат Мирзиёев раислигида ўтказилган йиғилишда маълум қилинди.
Президент матбуот хизматининг қайд этишича, Қишлоқ хўжалиги жамғармасидан мева-сабзавотчиликнинг айланма маблағлари учун 700 миллиард сўм ажратилади. Аҳолига берилган ерларда кўчат, уруғ, ўғит ва техника етказиб бериш учун жами 500 миллиард сўм берилади.
1 апрелдан 130 миллион доллар маблағ банклар иштирокисиз, тўғридан тўғри тадбиркорларга ажратилади. Бунда банк устамаси бўлмайди ва тадбиркор бозорга қараганда анча арзон кредит олиш имконига эга бўлади. Ушбу маблағлар маҳсулот етиштириш, қайта ишлаш ва харид қилиш, техника сотиб олиш учун 10 йилгача 14 фоиздан ажратилади.
Шу билан бирга, интенсив боғ ва токзорлар, логистика объектлари тайёр қурилиб, тадбиркорларга лизингга берилади. Энди, тадбиркор 20 фоизини олдиндан тўлайди, қолган 80 фоизини 10 йил давомида бўлиб-бўлиб тўлайди.
Бунда тадбиркорлар ўз лойиҳаларини Қишлоқ хўжалиги вазирлигининг шаффоф электрон платформаси орқали тақдим қилади. Вазирлик лойиҳаларни тўғридан тўғри ўзи молиялаштиради.
Изоҳ (1)
Man tadbir korma. Xitoy davlatidan texnalogiya olib keraman kimga murojat qiley 1 milyat so‘m olaman