Футбол бўйича Ўзбекистон U-20 терма жамоаси дарвозабони Отабек Боймуродов ОФК томонидан “Келажак юлдузи” номига лойиқ кўрилди.
ОФК томонидан мухлислар ўртасидаги ўтказилган сўровномада Боймуродовдан ташқари Али Жасим Алоиби (Ироқ), Наоки Кумата (Япония) ва Ким Ён Ҳак (Жанубий Корея) ҳам ғолибликка даъвогар эди.
Сўровномада Отабек 35,3% натижа билан биринчи бўлди. Кейинги ўринлардан мос равишда Жасим (29,5%), Кумата (29,5%) ва Ён Ҳак (5,8%) жой олди.
Отабек Боймуродов Ўзбекистонда ўтказилган мусобақанинг энг яхши дарвозабони сифатида эътироф этилганди. 19 ёшли ўзбекистонлик футболчи мусобақа давомида олти ўйиндан бештасида ўз дарвозаси дахлсизилигини сақлаб қолди. Бундан ташқари Жанубий Кореяга қарши ўтган ярим финал ўйинидаги пенальтилар сериясида ўз сейвлари билан жамоанинг финал йўлланмасини қўлга киритишига ҳисса қўшди.
Изоҳ (0)