Мактаб ўқитувчиларига “Open budjet”да овоз тўплаш бўйича топшириқ берилаётгани айтилмоқда
Ижтимоий тармоқларда мактаб ўқитувчиларига “Open budjet”да овоз тўплаш бўйича топшириқ берилаётгани ҳақида хабарлар тарқалмоқда. Мактабгача ва мактаб таълими вазирлиги мазкур хабарлар юзасидан маълумот берди.
Бугунги кунда аҳоли ўз ҳудудидаги ҳал этилиши лозим бўлган қатор масалаларни “Open budjet” порталига жойлаб, овоз йиғиш орқали “Ташаббусли бюджет” лойиҳасида ғолиб бўлиш учун ҳаракат қилишмоқда. Ушбу порталга жойланаётган ижтимоий лойиҳалар орасида мактабгача ва мактаб таълими муассасаларини таъмирлаш ишлари ҳам етакчилик қилади.
Қайд этилишича, ушбу жараёнда ўқитувчилар, ўқувчилар ҳатто ота-оналар ҳам ташаббус кўрсатиб, ўзлари меҳнат қилаётган, таълим олаётган ёки фарзандлари таҳсил олаётган мактабни обод қилиш учун овоз беришда шахсий ташаббус кўрсатмоқда. Бироқ ижтимоий тармоқлар орқали жойларда баъзи ўқитувчиларга ушбу лойиҳада овоз йиғиш учун мажбурий топшириқ берилаётгани, топшириқни бажаришга бееътибор қараётган ўқитувчиларга керакли чора кўриш билан таҳдид қилинаётгани тўғрисида хабарлар тарқалиб, улар Мактабгача ва мактаб таълими вазирлиги томонидан жиддий ўрганилмоқда.
Келтирилишича, айни вақтда “Вазирга мурожаат” порталига ўқитувчилардан ушбу мазмундаги мурожаатлар келиб тушмаган.
K.M
Maktab öquvchilardan bösh paytida bu qöshimcha ishda.azgina qimirlab turiladi shu bilan
Farrukh Madridista
Nafaqat o'qituvchilar balki oliy toifali shifokorlarga ham tazyiq orqali ishdan haydash orqali tahdid qilib ovoz yig'ishga majburlash holatlari kuzatilmoqda buni ham yoritinglar iltimos ba'zi bir eski tuzum aqidasi miyasida hali ham aylanib yurgan mutassaddilar o'qisin balki ko'zi ochilar.
》DIYORBEK《
Unversitetlarda ham shu axvol
Мақсуджон
Ўқитувчилар тиланчига ўхшаб қолди. Кўчаларда, бозорларда овоз йиғиб юрибди