Жаҳон соғлиқни сақлаш ташкилоти (ЖССТ) вабо тарқалишининг глобал миқёсдаги хавфини жуда юқори деб баҳолади, бунга эпидемиялар сонининг кўпайиши ва уларнинг географик кенгайиши сабаб бўлмоқда.
“Мавжуд вазият, жумладан, эпидемиялар сони ортиб бораётгани ва уларнинг географик кенгайиши, шунингдек, вакциналар ва бошқа ресурсларнинг етишмаслигидан келиб чиқиб, ЖССТ глобал даражадаги хавфни жуда юқори деб баҳолайди”, — дейилади ЖССТ ҳисоботида.
Жаҳон соғлиқни сақлаш ташкилоти маълумотларига кўра, 2023 йил 11 февралда вабо билан боғлиқ сўнгги янгилик эълон қилинганидан бери глобал вазият янада ёмонлашган, яна тўртта мамлакатда касаллик авж олгани ҳақида хабар берилган.
“Ҳозирда жами 24 та давлат шундай ҳолатлар ҳақида хабар бермоқда”, — дейилади ҳужжатда.
Аввалроқ ЖССТ дунёнинг 43 мамлакатида бир миллиарддан ортиқ одам вабо билан касалланиш хавфи остида эканини маълум қилганди. Унга кўра, касалланишлар сонининг кўпайишига қашшоқлик, можаролар ва табиий офатлар сабаб бўлмоқда.
2022 йил декабрь ойида ЖССТ вабога қарши вакциналар етишмаслиги ҳақида ҳам хабар берганди. Ташкилот вакили вабога қарши вакциналарнинг жаҳон захиралари “бўшаб қолгани ёки жуда кам” эканини айтган.
Изоҳ (0)