Каталониянинг “Барселона” жамоаси турли позициялардаги тўрт нафар футболчиси билан хайрлашишга тайёр.
АС нашрининг хабарига кўра, “кўк-анорранглилар” янги футболчилар учун маблағ йиғиш мақсадида кўплаб футболчиларини сотувга қўйишга шошилмаяпти. Фақатгина бир нафар ҳимоячи, бир нафар ярим ҳимоячи ва икки нафар ҳужумкор футболчилари билан хайрлашмоқчи.
“Барселона” ҳимоячилардан Эрик Гарсияни бошқа клубга қўйиб юбориши мумкин. Ундан ташқари каталонияликлар маошлар кўрсаткичини пасайтириш учун (ҳозирда жамоанинг кўрсаткичи 648 миллион евро, Ла Лига қоидаларига кўра уни 200 миллионга камайтириш лозим) Жорди Альба билан шартномани бекор қилиши ҳам мумкин. Испаниялик ҳимоячи клубдаги энг кўп маош олувчи футболчилардан бири.
Вингерлардан эса Ансу Фати ва Ферран Торрес ёзда жамоани тарк этади. Фати билан раҳбариятнинг қарашлари бир-бирига тўғри келмаяпти. Торрес учун эса 35 миллион евро тўлаб бериш, клубни қийин аҳволга солиб қўйиши мумкин.
Ярим ҳимоячи Пабло Торре эса ижара асосида бошқа клубга ўтиши кутилмоқда.
Изоҳ (0)