АҚШ Федерал захира тизими (Fed) федерал жамғармалар бўйича фоиз ставкасини 25 базавий пунктга оширди, энди унинг диапазони йилига 4,75—5,0 фоизни ташкил этади. Бу ҳақда Fed баёнотида қайд этилган.
Қарор аксарият иқтисодчилар ва таҳлилчиларнинг прогнозларига тўғри келди, баъзи экспертлар эса АҚШ банк секторидаги муаммолар фонида Fed ставкани ўзгаришсиз қолдириши мумкин, дея тахмин қилганди.
Fed ставкани кетма-кет тўққизинчи марта оширмоқда. Ставканинг 4,75—5,0 фоиз атрофида шаклланиши 2007 йилдан бери энг юқори даражага етди.
АҚШда фонд индекслари динамикаси Fed йиғилиши натижалари эълон қилинганидан кейин яхшиланди. Доллар индекси пасайган бўлса, олтин нархлари ошмоқда.
Изоҳ (0)